“Хрватската занаетчиска комора (ХОК) е независна професионална деловна организација на занаетчии, која е основана за да ги промовира, координира и застапува заедничките интереси на занаетчиите. Нејзини членови се занаетчии кои делуваат на територијата на Република Хрватска. Членството е задолжително.
Комората ги врши следните улоги: унапредување на занаетите, застапување на интересите на занаетчиите пред државните институции и во креирањето на економските политики, давање мислења и предлози до државните институции при донесување законски одредби кои се однесуваат за занетчиските бизниси, помош и поддршка на занаетчиите во водење на бизнис и вршење други задачи пропишани со закон и правни акти на комората. Во рамките на задачите пропишани со Законот за занатчии, комората има овластувања во областа на средното стручно образование , доживотно учење и обука.”